മൈത്രി ക്ലബ്ബിന്റെ നേതൃത്വത്തില്‍ "ചാലിയാർ സൗന്ദര്യ വൽക്കരണ പദ്ധതി"

വെട്ടുപാറ: ചാലിയാർ തീരത്തെ ടൂറിസം സാധ്യതകൾ മനസ്സിലാക്കി മൈത്രി ആർട്സ് & സ്പോർട്സ് ക്ലബ്ബിന്റെ നേതൃത്വത്തിൽ നടന്നുകൊണ്ടിരിക്കുന്ന പദ്ധതിയാണ് "ചാലിയാർ സൗന്ദര്യ വൽക്കരണ പദ്ധതി". കോഴിക്കോട് നിലമ്പൂർ റോഡിൽ യാത്ര ചെയ്യുന്നവർക്ക് നയന മനോഹരമായി ഒഴുകുന്ന ചാലിയാറും അതിന്റെ തീരപ്രദേശങ്ങളും ഒരു വിസ്മയ കാഴ്ചയാണ്. ഈ സാധ്യതകളെ മുന്നിൽ കണ്ടുകൊണ്ട് കൂടുതൽ കാഴ്ചക്കാരെ ആകർഷിക്കുംവിധം ഈ തീരത്തെ സജ്ജമാക്കുക എന്നതാണ് ഈ പദ്ധതികൊണ്ട് ഉദ്ദേശിക്കുന്നത്. പദ്ധതിയുടെ ആദ്യഘട്ടം ഏകദേശം പൂർത്തിയായി, എത്രയും പെട്ടെന്നുതന്നെ പദ്ധതി പൂർത്തീകരിച്ചു നാടിന് സമർപ്പിക്കുക എന്നതാണ് സംഘാടകരുടെ ഉദ്ദേശം.

Photo Courtesy: Mythri Vettupara