മലബാര്‍ മേളക്ക് നാളെ മഞ്ചേരിയില്‍ തുടക്കം

മലപ്പുറം: മലബാറിന്റെ ചരിത്രത്തിലേക്ക് പുതിയ വർണ്ണ കാഴ്ചകളൊരുക്കി രണ്ടുദിവസം നീണ്ടുനിൽക്കുന്ന  ബിയോണ്ട് ദ ഹസ് ഓഫ് മലബാർ മേള  നാളെ തുടങ്ങും. മഞ്ചേരി ചുള്ളക്കാട് സ്കൂളിൽ കേരള  ആർട്ട് ആന്റ് ലിറ്ററേച്ചർ അക്കാദമിയുടെ നേതൃത്വത്തിൽ സംസ്ഥാന ടൂറിസം വകുപ്പ്,  സംസ്ഥാന ലളിത കലാ അക്കാദമി, മഞ്ചേരി നഗരസഭ എന്നിവയുടെ  സഹകരണത്തോടെയാണ് പരിപാടി. മേള നാളെ രാവിലെ 9ന് മന്ത്രി ഡോ. എം.കെ. മുനീർ ഉദ്ഘാടനം ചെയ്യും.

രാജ്യത്തിനകത്തും പുറത്തുമുള്ള പ്രശസ്തരായ നൂറോളം ചിത്രകാരൻമാരാണ് മേളയിൽ നിറങ്ങൾ ചാലിക്കുന്നത്. പ്രഭാകരൻ, മദനൻ, ദയാനന്ദൻ, താറ ഗിൽക്രിസ്റ്റ്, കബിത മുഖോപാധ്യായ, ഒ. സുന്ദർ, ബൈജു ദേവ്, സദു അലിയൂർ, കെ.വി ജ്യോതിലാൽ, കെ. ഷെരീഫ്, മോഹനൻ ചേലാട്, സഗീർ പോൾ കല്ലാനോട്, ഡോ. മുഹമ്മദലി കൊരമ്പയിൽ തുടങ്ങിയവർ പങ്കെടുക്കും.