പുളളിമാനെ വേട്ടയാടി കടത്താൻ ശ്രമം; രണ്ടുപേർ അറസ്റ്റിൽ

എടവണ്ണയിൽ പുളളിമാനെ വെടിവെച്ചുകൊന്ന് ഓട്ടോയിൽ കടത്താൻ ശ്രമിച്ച രണ്ട് പേർ പോലീസ് പിടിയിലായി. കുണ്ട്തോട് സ്വദേശികളായ നിർഷാദ്, മസ്കാൻ എന്നിവരാണ് പിടിയിലായത്. ഒരാൾ ഓടിരക്ഷപ്പെട്ടു. പിടിയിലായവരെ വനപാലകരെത്തി അറസ്റ്റ് ചെയ്തു. ഏകദേശം ഒരു വയസ്സ് തോന്നിക്കുന്ന മാനിന്റെ ജഡവും, തോക്കിന്‍തിരയും, കത്തിയും ഓടോയില്‍നിന്നും പോലീസ് കണ്ടെടുത്തു.