മാവൂര്‍ പഞ്ചായത്തിന് സ്വന്തമായി കളിക്കളമൊരുങ്ങുന്നു
https://chaliyartimes.blogspot.com/2015/03/Mavoor-News.html
കായികതാരങ്ങള്‍ക്ക് പഞ്ഞമില്ലാത്ത മാവൂര്‍ പഞ്ചായത്തിന് സ്വന്തമായൊരു കളിക്കളമൊരുങ്ങുന്നു. വര്‍ഷങ്ങളായി മാവൂരിലെ കായികപ്രേമികളുടെ പ്രയത്നത്തിന്റെ ഫലമായാണ് ചെറൂപ്പയിലെ കോഴിക്കോട് - മാവൂര്‍ മെയിന്‍ റോഡിനു സമീപമുള്ള മിനി സ്റ്റേഡിയം പഞ്ചായത്ത്‌ ഏറ്റെടുത്ത് നവീകരണ പ്രവര്‍ത്തികള്‍ക്ക് തുടക്കമിട്ടത്. തൊഴിലുറപ്പ് പദ്ധതിയിലുള്‍പ്പെടുത്തി 40 ലക്ഷം രൂപ ചെലവിലാണ് നവീകരണ പ്രവര്‍ത്തികള്‍ നടത്തുന്നത്. മഴക്കാലങ്ങളില്‍പോലും വെള്ളം ഗ്രൌണ്ടിലേക്ക് കയറാതിരിക്കാന്‍ ഒന്നരമീറ്ററോളം മണ്ണിട്ട് ഉയര്‍ത്തിയാണ് സ്റ്റേഡിയത്തിന്റെ നിര്‍മാണം പുരോഗമിക്കുന്നത്.
