സദാചാര ഗുണ്ടായിസം വീണ്ടും, പൂവാല സംഘം യുവാവിനെയും സഹോദരിയെയും ആക്രമിച്ചു

കോഴിക്കോട്: കൂടരഞ്ഞിയില്‍ പൂവാല സംഘം യുവാവിനെയും സഹോദരിയെയും ആക്രമിച്ചു. കുറ്റ്യാടി സ്വദേശി ദിവേകിനും സഹോദരിക്കുമാണ് മര്‍ദ്ദനമേറ്റത്. ആക്രമികളെ നാട്ടുകാര്‍ പിടികൂടി തിരുവമ്പാടി പോലീസില്‍ ഏല്‍പ്പിച്ചു. ഇന്ന് രാവിലെ സഹോദരിയോടൊപ്പം ഹാള്‍ടിക്കറ്റ് വാങ്ങാന്‍ പോകവെ ആണ് ആക്രമം ഉണ്ടായത്. മുക്കത്തു നിന്നും ബസ്സില്‍ കയറിയ ഇവരെ ബസ്സ് പിന്തുടര്‍ന്നെത്തിയ സംഘം കൂടരഞ്ഞിയില്‍ ബസ് ഇറങ്ങിയതിനു ശേഷമാണ് കയ്യേറ്റം ചെയ്തത്. സംഭവവുമായി ബന്ധപ്പെട്ട് പ്രായ പൂര്‍ത്തിയാകാത്ത രണ്ടുപേരടക്കം അഞ്ചു പേരെ പോലീസ് അറസ്റ്റു ചെയ്തിട്ടുണ്ട്. വിവേകിനേയും സഹോദരിയേയും മുക്കം സി.എച്ച്.സിയില്‍ പ്രവേശിപ്പിച്ചിരിക്കുകയാണ്.