അരീക്കോട്: കടമുറികള്‍ ലേലത്തിന്

അരീക്കോട് മാര്‍ക്കറ്റ്‌ ഷോപ്പിംഗ്‌ കോംപ്ലക്സിലെ കടമുറികള്‍ ലേലം ചെയ്യാന്‍ തീരുമാനിച്ചു. 33 മുറികളില്‍ 20 എണ്ണത്തിന്റെ ലേലം ഈ മാസം 26ന് നടക്കും. നിലവിലുള്ള പഴയ കച്ചവടക്കാര്‍ക്ക് കുറഞ്ഞ നിരക്കില്‍ മുറികള്‍ നല്‍കാനാണ് തീരുമാനം. മൂന്ന്‍ ലക്ഷം രൂപയാണ് ഇവരില്‍നിന്ന് മുന്‍‌കൂര്‍ വാങ്ങുക. പട്ടികജാതി വിഭാഗത്തിന് രണ്ടും, ഭിന്നശേഷിയുള്ളവര്‍ക്ക് ഒന്നും വീതം സംവരണം ചെയ്തിട്ടുണ്ട്. പട്ടികജാതി വിഭാഗക്കാർക്ക് അഞ്ചുലക്ഷം രൂപ മുൻകൂറും മാസ വാടക 10,000 രൂപയുമാണ്. ഭിന്നശേഷിയുള്ളവർക്ക് എട്ടുലക്ഷവും വാടക 10,000 രൂപയും. ഒന്നുമുതൽ നാലുവരെയുള്ള മുറികൾക്ക് 12 ലക്ഷം മുൻകൂർ തുകയും 16,000 രൂപ മാസവാടകയും നിശ്ചയിച്ചിട്ടുണ്ട്.