മുക്കം കല്‍പ്പൂരില്‍ കാട്ടുപന്നി ആക്രമണം, ഒരാള്‍ മരിച്ചു
https://chaliyartimes.blogspot.com/2015/03/Mukkam-Karamoola-News.html
മുക്കത്തിനടുത്ത് കാരമൂല കല്‍പ്പൂരില്‍ കൃഷിയിടത്തില്‍ വച്ച് കാട്ടുപന്നിയുടെ കുത്തേറ്റ് ഒരാള്‍ മരിച്ചു. കൂടരഞ്ഞി സ്വദേശി കീലത്ത് അബ്ദുല്‍ സലാമാണ് മരിച്ചത്. ഇന്ന് രാവിലെയാണ് സംഭവം. പിന്നീട് നിരത്തിലിറങ്ങിയ പന്നി നിരവധി പേരെ ആക്രമിച്ചു. ആറുപേര്‍ക്ക് പരിക്കേറ്റിട്ടുമുണ്ട്. പന്നിയെ നാട്ടുകാര്‍ വെടിവെച്ചു കൊന്നു. വയലില്‍ ജോലി ചെയ്തുകൊണ്ടിരുന്ന അബ്ദുല്‍ സലാമിന് നേരെ പാഞ്ഞടുത്ത പന്നി അദ്ധേഹത്തെ കുത്തിപ്പരിക്കേല്‍പ്പിക്കുകയായിരുന്നു. ഗുരുതരമായി പരിക്കേറ്റ അബ്ദുല്‍ സലാമിനെ മെഡിക്കല്‍ കോളേജില്‍ എത്തിച്ചെങ്കിലും രക്ഷിക്കാനായില്ല.
