വിജയം വീണ്ടും ഇന്ത്യക്കൊപ്പം

അഡലൈഡ്: ചരിത്രം വഴി മാറിയില്ല. ലോകകപ്പിൽ ഇന്ത്യക്കെതിരെ ഒരു വിജയം എന്ന സ്വപ്നം പാകിസ്താന്റെ സ്വപ്നമായിത്തന്നെ നിലനിൽക്കും. ക്രിക്കറ്റിന്റെ വിശ്വ പോരാട്ടത്തിൽ ഇന്ത്യക്കെതിരെ പാക്കിസ്താന് വീണ്ടും അടി തെറ്റി. 76 റൺസിനാണ് പാക്കിസ്താൻ ഇന്ത്യയുടെ ചുണക്കുട്ടന്മാരോട് അടിയറവ് പറഞ്ഞത്. ടോസ്സ് നേടി ആദ്യം ബാറ്റ് ചെയ്ത ഇന്ത്യ വിരാട് കൊഹ്ലി (126 പന്തിൽ 107), ശിഖർ ധവാൻ (73 റൺസ്), സുരേഷ് റെയ്ന (74) എന്നിവരുടെ തകര്‍പ്പന്‍ ബാറ്റിംഗിലൂടെ 50 ഓവറിൽ 300 റണ്‍സ് നേടി. മറുപടി ബാറ്റിങ്ങിനിറങ്ങിയ പാക്കിസ്ഥാന് 47 ഓവറില്‍ 224 റണ്‍സ് നേടാനേ കഴിഞ്ഞുള്ളൂ.

പാകിസ്ഥാന് വേണ്ടി ഓപണര്‍ അഹമ്മദ് ഷെഹ്സാദ്‌ 47 റണ്‍സെടുത്തു.