സംസ്ഥാന സ്കൂള്‍ കലോത്സവത്തിന് തുടക്കമായി
https://chaliyartimes.blogspot.com/2015/01/School-Kalothsavam.html
കോഴിക്കോട്: 55ാം സംസ്ഥാന സ്കൂള്‍ കലോത്സവത്തിന് കോഴിക്കോട് വര്‍ണശബളമായ തുടക്കം. കോഴിക്കോട് ബീച്ചില്‍ നിന്നും ഉച്ചക്ക് 2.30ന് ആരംഭിച്ച ഘോഷയാത്രക്ക് ശേഷം കലോത്സവത്തിന്റെ ഔദ്യോഗിക ഉത്ഘാടനം പ്രധാന വേദികളില്‍ ഒന്നായ ക്രിസ്ത്യന്‍ കോളേജ് ഗ്രൌണ്ടില്‍ നടന്ന ചടങ്ങില്‍ മുഖ്യമന്ത്രി ഉമ്മന്‍ ചാണ്ടി നിര്‍വഹിച്ചു. ജില്ലയില്‍ പത്ത് വേദികളിലായാണ് ഇനി മത്സരങ്ങള്‍ നടക്കുക. ചടങ്ങിന് മുന്നോടിയായി കോഴിക്കോടിന്റെ തനതായ കലാരൂപങ്ങളുടെയും നിശ്ചല ദൃശ്യങ്ങളുടയും അകമ്പടിയില്‍ നടന്ന ഘോഷയാത്രയില്‍ ആറായിരത്തോളം കുട്ടികളും അനേകം അധ്യാപകരും നാട്ടുകാരും പങ്കെടുത്തു.
