30 തെങ്ങിൽ നിന്ന് ഒരുമാസം കൊണ്ട് 1,20,000 രൂപ നീരയിലൂടെ

ചീക്കോട്: നീര ചെത്താൻ കൊടുത്ത മുപ്പത് തെങ്ങിൽനിന്നും ചീക്കോട് ചേനങ്ങാട്ടിൽ അവറാൻ കുട്ടി നേടിയത് 1,20,000 രൂപ. ചീക്കോട് ഫെഡറേഷന്റെ കീഴിലുള്ള ചെറിയപറമ്പ് നാളികേര ഉല്പാദക സംഘം മുഖേനയാണ് നീര ചെത്തിയത്. ഫെഡറേഷനുകീഴിൽ 280 തെങ്ങുകൾ രജിസ്റ്റർ ചെയ്തിട്ടുണ്ട്. ഇതിൽ മുപ്പത് എണ്ണമാണ് അവറാൻ കുട്ടിയുടേത്. ശരാശരി 120 ലിറ്റർ തോതിൽ ഒരു മാസത്തിൽ 3,600 ലിറ്റർ നീരയാണു ലഭിച്ചത്.

ചെറിയപറമ്പിൽ നടന്ന ചടങ്ങിൽ എം. എൽ. എ മുഹമ്മദുണ്ണി ഹാജിയിൽനിന്നും അവറാൻ കുട്ടി ചെക്ക് ഏറ്റു വാങ്ങി.